पशुपति परिसरमा
साँझ आरती गरेको बेला
भक्तजनले गाएको गीत
खै, के भजन भन्नु!
बौद्ध गुम्बामा
भिक्षुहरुले ध्यान गर्दा
बजेको शान्ति ध्वनि
ओम् मणि पद्मे हुँ
त्यो पनि भजन हो?
जामे मस्जिदमा
अल्लाहको नाम पुकार्दै
भक्तहरुले कुरान पढ्दा
त्यसमा पनि भजन छ र?
गाउँको चर्चमा
प्रत्येक आइतबार
ईशुको प्रार्थाना चल्दा
त्यहाँ पनि भजन गाइन्छ र!
भजन त हामी सुन्छौं
विहान बेलुका
सरकारी सञ्चार माध्यममा
सिन्को नभाँच्ने नेताहरुले
यसो भन्नुभयो।
उसो भन्नुभयो।
असली भजन!
No comments:
Post a Comment