जति नै दुःख परे पनि
कुनै दिन खान नपाएर
सहरमा भोकभोकै मरे पनि
कुकुरहरु जंगल पस्दैनन्।
सहरमा ठूला ठूला
पार्टी प्यालेसहरु छन्
जहाँबाट प्राप्त हुन्छ
कुकुरहरुलाई
नि:शुल्क जुठो भात
र, त्यो पदार्थ
जंगलमा प्राप्त हुँदैन।
जंगलमा त
आफै मारेर खानुपर्छ
मुसा होस् वा बन कुखुरा
जंगलमा
जोगिनु पनि पर्छ
बाघ र सिंहहरुबाट
त्यसैले
सित्तैमा जूठो खान पाइने
सहरसँग नाता तोडेर
कुकुरहरु जंगल जान मान्दैनन्।
किनकी आफैं मेहनत गरेर
खानुपर्ने पेशालाई
कुकुरहरुले कुनै पेशा ठान्दैनन्।
No comments:
Post a Comment